கவுதமலாசிட்டி,செப். 14-வட அமெரிக்காவில் உள்ள கவுதமலா நாட்டில் “பியூகோ” என்ற இடத்தில் மிகப்பெரிய எரிமலை உள்ளது. அந்த எரிமலை வெடித்து சிதறும் அபாயம் ஏற்பட்டுள்ளது. தற்போது, அது பயங்கர சத்தம் எழுப்பி வருகிறது. அதில் இருந்து சாம்பலும், புகையும் வெளியாகிறது.
எனவே, அது எந்த நேரத்திலும் வெடித்து சிதறும் என எதிர்பார்க்கப்படுகிறது. அப்போது நெருப்பு குழம்புடன் பாறைகள் தூக்கி வீசப்படும். இது சுமார் 1000 மீட்டர் உயரத்துக்கு எழும்பும் என நிபுணர்கள் தெரிவித்துள்ளனர்.
எனவே, பியூகோ எரிமலையை சுற்றியுள்ள கிராமங்களில் வாழும் சுமார் 1 லட்சம் மக்கள் அங்கிருந்து வெளியேற்றப்பட்டு பாதுகாப்பான இடங்களில் தங்க வைக்கப்பட்டுள்ளனர். அதற்கான ஏற்பாடுகள் செய்யப்பட்டுள்ளதாக கவுதமலா அதிபர் ஒட்டோ பெரீஷ் மொலினா தெரிவித்துள்ளார்.
No comments:
Post a Comment