யூட்யூபில் புகைப்படங்களை அப்லோட் செய்ய...

Posted by Abdul Basith Sunday, 24 March 2013 0 comments

வீடியோ என்றாலே நமக்கெல்லாம் நினைவுக்கு வருபவற்றில் முதன்மையான ஒன்று யூட்யூப். யூட்யூப் தளத்திற்கு தற்போது மாதம் நூறு கோடி பயனாளர்கள் வருகை தருகிறார்கள். வீடியோக்களை பகிர உதவும் யூட்யூப் தளத்தில் புகைப்படங்களை பகிரலாம் என்பது உங்களுக்கு தெரியுமா?

நமது புகைப்படங்களை Slideshow வீடியோவாக பகிரும் வசதியை யூட்யூப் தருகிறது.

யூட்யூபில் புகைப்படங்களை அப்லோட்செய்ய:



1. யூட்யூபில் வீடியோவை அப்லோட் செய்யும் பகுதிக்கு செல்லுங்கள்.

2. அங்கு வலது புறம் Photo Slideshow என்று இருக்கும். அதன் கீழுள்ள Create என்பதை க்ளிக் செய்யுங்கள்.

3. உங்கள் புகைப்படங்களை அப்லோட் செய்யுங்கள்.

4. புகைப்படங்களை வரிசைப்படுத்துங்கள்.

5. முன்னோட்ட வீடியோவுக்கு கீழ் உள்ள அமைவுகளை உங்கள் விருப்பம் போல் மாற்றிக் கொள்ளுங்கள்.

6. விருப்பமிருந்தால்ஆடியோக்களை இலவசமாக இணைத்துக் கொள்ளுங்கள். நீங்கள் யூட்யூபில் விளம்பரம் பெற்றிருந்தால் ஆடியோ சேர்க்க வேண்டாம். சேர்த்தால் அந்த வீடியோக்கான வருமானம் உங்களுக்கு வராது.

7. வீடியோ விவரங்களைக் கொடுத்து பப்ளிஷ் கொடுங்கள். அவ்வளவுதான்! 

தெளிவாக புரிந்துக் கொள்ள வீடியோவை பார்க்கவும்.

மாதிரி வீடியோ:

600 ஆண்டுகால வரலாற்றில் முதல்முறையாக, இரு போப் ஆண்டவர்கள் சந்திப்பு!

பதவி விலகிய போப் ஆண்டவர் 16ம் பெனடிக்ட்டை புதிய போப் ஆண்டவர் பிரான்சிஸ் நேற்று சந்தித்து பேசினார். 600 ஆண்டு வரலாற்றில் 2 போப்கள் சந்திப்பது இதுவே முதல் முறை. உலகம் முழுவதும் உள்ள கத்தோலிக்க கிறிஸ்தவர்களின் தலைவராக போப் ஆண்டவர் உள்ளார். இந்த பதவியில் இருந்த 16ம் போப் பெனடிக்ட், கடந்த மாதம் 28ம் தேதி பதவி விலகினார். முதுமை காரணமாக போப் ஆண்டவருக்கு உரிய பணிகளை தம்மால் மேற்கொள்ள முடியவில்லை என்று அவர் தெரிவித்தார்.

கடந்த 600 ஆண்டு கால வரலாற்றில் ஒரு போப் பதவி விலகுவது இது முதல்முறை. இதன்பின், புதிய போப் ஆண்டவராக பிரான்சிஸ் தேர்வு செய்யப்பட்டு, கடந்த சில நாட்களுக்கு முன் அவர் பொறுப்பேற்றார்.தெற்கு ரோமில் போப் ஆண்டவர் கோடைகாலத்தில் தங்கும் காஸ்டெல் கன்டோல்போ மாளிகை உள்ளது. இங்குதான் பழைய போப் பெனடிக்ட் தற்போது வசித்து வருகிறார். இந்நிலையில், வாடிகனில் இருந்து ஹெலிகாப்டர் மூலம் போப் பிரான்சிஸ் நேற்று காஸ்டெல் கன்டோல்போவுக்கு வந்தார். அங்கு போப் பெனடிக்ட்டை சந்தித்து நீண்ட நேரம் பேசினார். இருவரும் சேர்ந்து மதிய உணவு சாப்பிட்டனர். அவர்கள் சந்திப்பை முன்னிட்டு, காஸ்டெல் கன்டோல்போ சதுக்கத்தில் ஏராளமான மக்கள் கூடியிருந்தனர்