உதயநிதி படத்தைப் பார்த்த தந்தை ஸ்டாலின்

கொலிவுட்டில் உதயநிதி ஸ்டாலின் நடித்த ஒரு கல் ஒரு கண்ணாடி திரைப்படம் தமிழகம் முழுவதும் வெற்றிகரமாக ஓடிக்கொண்டிருக்கிறது. ரெட் ஜெயண்ட் மூவிஸ் படஅதிபரான உதயநிதி நாயகனாக நடித்துள்ள முதல் படம் “ஒரு கல் ஒரு கண்ணாடி” ஆகும். இப்படத்தில் ஹன்சிகா மோத்வானி, சந்தானம், சரண்யா ஆகியோர் நடித்துள்ளனர். நகைச்சுவை இயக்குனர் ராஜேஷ் இயக்க ஹாரிஸ் ஜெயராஜ் இசையமைத்துள்ளார். உதயநிதிக்கு முதல்படம் என்றாலும் அவருடைய எதார்த்தமான நடிப்பு திரையுலகில் அனைவரையும் கவர்ந்து விட்டது. இந்நிலையில் உதயநிதி தந்தை ஸ்டாலின் தனது மகன் நடித்த படத்தை திரையரங்கில் மக்களோடு சேர்ந்து பார்த்து மகிழ்ந்துள்ளார். ஸ்டாலின், தமிழகத்தின் பிரதான அரசியல் கட்சித் தலைவர் ஆவார் என்பது குறிப்பிடத்தக்கது. முன்செல்ல