விமானம் தாங்கி கப்பலில் போர் விமானத்தை தரையிறக்கி சீனா சாதனை

திங்கட்கிழமை, 26 நவம்பர் 2012,

முதன் முறையாக போர் விமானம் ஒன்றினை, விமானம் தாங்கி கப்பலில் தரையிறக்கி சீனா சாதனை படைத்துள்ளது.சீனா தனது கடற்படையில் புதிதாக இணைத்து கொண்டுள்ள விமானம் தாங்கி போர்க் கப்பல் ஒன்றில், போர் விமானம் ஒன்றை முதல் முறையாக தரையிறக்கி உள்ளது. இந்த தகவலை அந்நாட்டின் இராணுவ அமைச்சகம் தெரிவித்துள்ளது. இது ஆசிய பிராந்தியத்தில் சீனாவுக்கு உள்ள வலுவை எடுத்துக்காட்டுவது போன்று உள்ளதாக கருதப்படுகிறது. மேலும் சீனாவுக்கும், ஜப்பானுக்கும் இடையில் அவ்வப்போது சச்சரவுகள் நிலவி வரும் நிலையில், சீனாவின் இந்த முயற்சி அமைதியின்மையை உருவாக்கக்கூடும்.