அவுஸ்திரேலியாவில் வேகமாக பரவி வரும் காட்டுத் தீ: 100 பேரை காணவில்லை

அவுஸ்திரேலியாவின், டஸ்மானியா தீவுகளில் ஏற்பட்டுள்ள காட்டுத் தீயை அடுத்து அங்கு சுமார் 100 பேர் வரை காணாமல் போயுள்ளதாக தெரிவிக்கப்படுகின்றது.அவுஸ்திரேலியாவின் டஸ்மானியா தீவுகளில், கடுமையான வெயில் காரணமாக வெப்பநிலை 41 பாகை சென்டிகிரேட்டுக்கும் அதிகமாக உள்ளது. இதனால் அங்குள்ள காடுகளில் 10க்கும் மேற்பட்ட இடங்களில் தீப்பிடித்து எரிந்து வருகிறது. எனவே அப்பகுதி மக்கள் 3000 பேரை மீட்புபடையினர் மீட்டு பாதுகாப்பான இடங்களுக்கு மாற்றினர். ஒரு சில உடல்கள் எரிந்த நிலையில் கண்டிபிடிக்கப்பட்டுள்ள போதிலும், அப்பகுதியில் வாழும் 100 பேர் பற்றிய விபரங்கள் தெரியவில்லை என்று நிர்வாகத்தினர் தெரிவித்துள்ளனர். கடந்த 4 வருடங்களுக்கு முன் விக்டோரியாவில் ஏற்பட்ட பெரும் தீ விபத்தில் 173 பேர் உயிரிழந்தது குறிப்பிடத்தக்கது.