இந்நிலையில், நீர் மூழ்கி கப்பலில் இருந்து ஏவப்பட்டு, நீருக்கு அடியிலேயே பாய்ந்து எதிரிகளின் கப்பலை தாக்கி அழிக்க வல்ல சக்தி வாய்ந்த அணு ஏவுகணையை இந்தியா இன்று வெற்றிகரமாக பரிசோதித்தது.
பி-05 என்ற சங்கேத குறியீட்டுடன் அழைக்கப்படும் கே-15 ரகத்தை சேர்ந்த இந்த ஏவுகணை, 10 மீட்டர் நீளம் கொண்டது. விசாகப்பட்டினம் பகுதியில் உள்ள வங்காள விரிகுடாவில் இன்று நடத்தப்பட்ட சோதனையில் இந்த பி-05 ஏவுகணை 700 கி.மீட்டர் பாய்ந்து சென்று குறிப்பிடப்பட்டிருந்த இலக்கினை வெற்றிகரமாக தாக்கி அழித்தது.
இந்த சோதனை வெற்றிகரமாக நடைபெற்றதையொட்டி, பி-05 ரக ஏவுகணை
விரைவில் இந்திய கப்பற்படைக்கு சொந்தமான ஐ.என்.எஸ். அரிஹண்ட் நீர் மூழ்கி கப்பலில் இணைக்கப்பட உள்ளது.
இவ்வகை ஏவுகணைகள் அமெரிக்கா, ரஷ்யா, பிரான்ஸ், சீனா போன்ற 4 நாடுகளிடம் மட்டுமே முன்னர் இருந்தன. இந்த வரிசையில் 5வது இடத்தை தற்போது இந்தியா பிடித்துள்ளது குறிப்பிடத்தக்கது
No comments:
Post a Comment