பல ஆண்டுகளுக்கு முன்பு தயாரிக்கப்பட்ட விஸ்கிகளை ஸ்காட்லாந்தின் எடின்பர்க்கில் உள்ள பொன் ஹாம்ஸ் நிறுவனம் ஏலம் விடுகிறது. அதில் 12 வகை விஸ்கிகள் இன்று ஏலத்திற்கு வருகின்றன.
ஜலே தீவில் 55 ஆண்டுக்கு முன்பு அதாவது 1957-ல் தயாரிக்கப்பட்ட விஸ்கி பழமையானது. இந்த விஸ்கி பாட்டில் குறைந்தது ரூ.85 லட்சத்தில் இருந்து அதிகபட்சமாக ரூ.1 கோடியே 25 லட்சம் வரை ஏலம் போகும் என எதிர்பார்க்கப்படுகிறது.
இந்த விஸ்கி பலவகை சுவை கொண்டது. இதை குடிக்கும்போது முதலில் அத்திப்பழம், உப்பு, புளு பெர்ரி மற்றும் பூகலிப்டஸ் போன்றவற்றின் சுவை தெரியும். பின்னர் சாக்லெட் மற்றும் திராட்சையின் சுவையை அறிய முடியும். இந்த விஸ்கியை குடித்த பின்னரும், பெருஞ்சீரகத்தின் சுவை நீண்ட நேரம் நாவில் இருக்கும். எனவேதான் இதற்கு அதிக கிராக்கி உள்ளது.
ஆகவே பெரிய தொகைக்கு ஏலம் போகும் என எதிர்பார்க்கப்படுகிறது.
No comments:
Post a Comment