வங்கதேசத்தில் கடும் புயல்: 20 பேர் பலி

தெற்காசிய நாடுகள் புயல், மழை போன்ற இயற்கை சீற்றங்களால் பெரிதும் பாதிப்படைந்து வருகிறது.தெற்காசிய நாடுகளில் ஒன்றான வங்கதேசத்தில் கடந்த 2 தினங்களாக புயல் காற்றுடன் மழை கொட்டியது. இதனால் அங்கு இயல்பு வாழ்க்கை பாதிக்கப்பட்டது. நோகாலி மற்றும் போலோ மாவட்டங்கள் புயலால் பெரிதும் சேதமடைந்தன. இந்த புயல் காரணமாக வங்கதேசத்தில் இதுவரை 20 பேர் உயிரழந்துள்ளனர். இதில் 16 பேர் நோகாலி மாவட்டத்தையும், 4 பேர் போலா மாவட்டத்தையும் சேர்ந்தவர்கள். நூற்றுக்கணக்கான மீன்பிடி படகுகளை காணவில்லை. குடிசை வீடுகள் மற்றும் ஆயிரக்கணக்கான ஏக்கர் நெற்பயிர்கள் முழுமையாக சேதமடைந்துள்ளன. தொலைபேசி மற்றும் மின் இணைப்புகள் துண்டிக்கப்பட்டுள்ளன. பலி எண்ணிக்கை மேலும் உயரக்கூடும் என்று அஞ்சப்படுகிறது.