நடுவானில்
பறந்து கொண்டிருந்த விமானத்தின் கதவு உடைந்ததால், பயணிகள் பீதியடைந்தனர்.
கடந்த, 11ம் தேதி, தாய்லாந்து தலைநகர் பாங்கொக்கில் இருந்து,
ஹொங்கொங்குக்கு, “ஐக்கிய அரபு எமிரேட்ஸ்’ விமானம், சென்று கொண்டிருந்தது.
விமானம், 27,000 அடி உயரத்தில் பறந்து கொண்டிருந்தபோது, அதன் அவசர கால கதவு
ஒன்று, திடீரென உடைந்தது. அப்போது குண்டு வெடிப்பது போன்ற சத்தம் கேட்டது.
இதனால், அதிக அளவில் காற்று உள்ளே புகுந்தது.இதனால், பயணிகள்
பீதியடைந்தனர்.இது குறித்து, பணிப்பெண், விமானிகளுக்கு தகவல் தெரிவித்தார். ஆலோசனைக்கு பின், விமான பணியாளர்கள், தலையணை மற்றும் போர்வைகளை வைத்து, கதவில் ஏற்பட்ட ஓட்டையை அடைத்தனர்.எனினும், விமானம் அவசரமாக அருகில் உள்ள விமான நிலையத்தில் தரையிறக்கப்படவில்லை. திட்டமிட்டபடி, ஹொங்கொங்கில் பத்திரமாக தரையிறக்கப்பட்டது.
