காஷ்மீரில் இன்று அதிகாலை 2 மணிக்கு திடீரென நிலநடுக்கம்

காஷ்மீரில் இன்று அதிகாலை 2 மணிக்கு திடீரென நிலநடுக்கம் ஏற்பட்டது. இதனால் ஸ்ரீநகர் மற்றும் அதைச் சுற்றியுள்ள பகுதிகளில் பூமி அதிர்ந்தது. அதை தொடர்ந்து வீடுகள் மற்றும் கட்டிடங்கள் குலுங்கின. இதனால் அயர்ந்து தூங்கி கொண்டிருந்த மக்கள் பீதி அடைந்தனர். தங்கள் வீடுகளை விட்டு வெளியேறினர்.

அங்கு 5.2 ரிக்டர் அளவில் நிலநடுக்கம் பதிவானதாக வானிலை ஆய்வு மையம் அறிவித்துள்ளது. பாகிஸ்தான் எல்லையை மையமாக கொண்டு இந்த நிலநடுக்கம் ஏற்பட்டுள்ளதாக தெரிவிக்கப்பட்டுள்ளது. இதில் எந்தவித உயிர்சேதமோ, பொருட்சேதமோ ஏற்படவில்லை.